Estivemos coa caravana da marcha mundial das mulleres en ourense

O pasado día 9 de outubro, na praza maior de Ourense, as mulleres recibimos á CARAVANA DA MARCHA MUNDIAL DAS MULLERES que saíu de Turquía o pasado 8 de marzo. Sendo o tema o papel que a muller fai na alimentación e sustentabilidade do planeta, foron recibidas cunha alfombra onde representábase unha árbore con corpo de muller que a través dos brazos e do peiteado emerxe unha frondosidade de follas e froitos que son o sustento do mundo, sen perder o contacto coa natureza.

Despois dun xantar solidario, cunha comida feita por compañeiras da marcha, tivo lugar na praza de abastos unha feira e intercambio de sementes e despois un concerto con petisos no Café Pobo.

O seguinte día saíron dirección a Vigo para continuar a viaxe, hoxe aínda están e despois continuaran a viaxe que finalizará en Lisboa cunha gran festa do 15 ao 17 de outubro.  Dende o Foro Feminista Falando Nos, desexamos unha feliz viaxe as compañeiras.

Foro Feminista Falando Nos séntese totalmente adherido e solidario coa Marcha Mundial das mulleres na súa labor contra a pobreza, violencia de xénero, a desigualdade e discriminacións que sofren as mulleres de todos os pobos, por isto quere continuar traballando xunto coa Marcha pola unidade das mulleres.

Pola unidade das Mulleres!